如何為家中老友記挑選健康食用油？

食用油就等於膽固醇? 其實攝取適當嘅食用油可以為身體提供有用嘅脂肪酸，預防疾病，尤其係對於患三高嘅老友記，揀啱食用油對健康非常有益㗎！

即刻一圖睇清健康用油嘅三個方法啦：

• 分析食用油成分
  各款食用油嘅脂肪酸比例都唔同，植物油通常含較高不飽和脂肪酸，有助降低壞膽固醇，改善心血管健康。

• 留意食用油「發煙點」
  食用油開始冒煙嘅最低溫度為發煙點。由於油脂冒煙時會產生有害物質，應根據烹飪方式選擇適當嘅食用油。

• 用油方法
  正確嘅用油方式如避免過熱、落油前瀝乾食材水份等，都可以減少用油時產生有害物質。