生活小貼士

香草係西餐嘅靈魂,可以令整道菜肴更加美味。但係在屋企種香草種得太多唔知可以點保存？

教你一個可以存放香草半年嘅方法，就係將香草同食油混合後放冰格，做成香草調味粒，咁以後煮西餐就方便好多啦！

莓果唔單止酸甜清香，仲有抗氧化嘅功效，但是又經常黎唔切食完而腐壞。教你一招，等你幾時都有新鮮莓果食。

清洗莓果時，可以試下用稀釋後嘅白醋（三杯清水加一杯醋）幫佢地沖個涼，咁就可以令莓果保存得更耐嫁啦！

身邊有唔少超鐘意食芝士嘅朋友，但係好多時都懶得買把芝士刀試試正正咁咁切塊芝士出黎配意粉食。大家不妨試下用蔬菜削皮器切芝士片，方便得黎效果唔錯嫁。

依家好多人鐘意去超市一次過買一星期或者更長時間份量嘅食物，雖然可以節省很多時間，但係點樣延長食物嘅保存期呢？

香蕉係其中一樣壞的最快嘅水果。要延長香蕉嘅保存期，秘訣就係用保鮮紙徹底密封香蕉頂端嘅果柄。一個咁簡單嘅動作，就可以延長香蕉兩倍的保存期限。

做女仔幾時都要最佳狀態示人！要有靚靚仙氣，就要食多啲對皮膚好嘅食物，佢地就係藍莓、菠菜及牛油果啦！

藍莓中嘅抗氧化劑可以令你嘅皮膚日日都咁年輕；菠菜中嘅胡蘿蔔素和葉黃素可增加皮膚彈性；而牛油果當中的甘油酸及必需脂肪酸，令你擁有嬰兒般嬌嫩嘅肌膚，更可滋潤幹枯嘅頭髪。

今日番工有冇瞌眼瞓呢？想一整日都有活力早餐就要食好啲啦！哈佛大學會做過研究，發現一餐高蛋白早餐更能維持人體一日嘅活力。所以大家不妨早餐食多啲點蛋白質食物，例如一杯牛奶、一只蛋、一塊芝士、雞胸肉配薯沙拉及兩片面包，人都精靈啲!

脂肪對身體非常重要，唔可以完全唔吸收。男女每餐脂肪攝取量分別為2個拇指和1個拇指大小，大約在50g-80g之間。

對一個煮飯新手黎講，煮意粉點樣去預份量永遠都係一個謎。不過依家謎底終於解開啦！見唔見到意粉匙中間個圈？依個圈其實係幫你預一人一餐意粉嘅份量！係咪好簡單呢？

放假去沙灘玩唔想曬到紅蔔蔔要留意啦！除咗搽防曬之外，原來有啲食物食咗都可以保護皮膚防止曬傷。
其中一樣就係紅橙色蔬果及深綠色葉菜，例如番茄，紅蘿蔔等等。佢哋含有大量胡蘿蔔素同茄紅素，有效阻擋紫外線，有助於預防曬傷。

你有壓力，我有壓力，咁食乜可以幫助減壓？
香蕉，牛奶，深海魚，全麥面包依啲食物含有嘅物質能夠幫助大腦制造血清素及調節神經系統，有助緩解焦慮的情緒。